لقمة وسكن
كنا عايزين لقمة وسكن
و ضحكة طالعة من القلوب
بس للأسف ، دا حلم اتركن
و بقينا تايهين في الدروب
يعني ايه ، نحضن محن
يعني ايه يبات معيوب ؟!
ذاك الحال اللي ياما اتوزن
بيه سعينا ، و فضلنا خاليين م الشحوب
دلوقتي مين عدمان عفن
او حتى مين مطروب ؟!
كل الخلايق ، هجروا السنن
و أدوا فروض الحزن ب الشكل المطلوب
مبقتش الدموع تتخزن
فاضت عيوننا لأنها صادقة مش لعوب
عمرها ما تزيف رد الفعل ، بالعكس دي بتعلن
على الملأ ، نتيجة مواقف الكوكب المخروب
آسفين ، هنقولها ل نفوسنا يمكن
ترتاح للحظة من الوجع ، قبل ما جواه تدوب
يا ظلم ياللي بتتلحن
حلمك علينا ، اديك شايف صبرنا مسلوب
ارأف ب حالنا ، اصل الكفن
ابدا ما كان له جيوب
خلي عنادك يطفي المكن
و اخلق سرورنا ، دا العمر لسة يادوب
#السعدي
تعليقات
إرسال تعليق